Kurrë nuk kam menduar seriozisht për të dalë jashtë, ka ende disa gjëra që mund të organizojmë për veten, jemi pak më spontan, më të relaksuar. Ideja për themelimin e zyrës sime është zhvilluar dy vite më parë, kur kam punuar për njerëz të tjerë, dhe trajtimi ndaj të punësuarve ishte një nga arsyet për fillimin e praktikës sime. Në një kohë të shkurtër, kam ndërruar tre punëdhënës, sepse nuk ishte ajo për çfarë jam arsimuar dhe çfarë kam imagjinuar (kemi punuar gjatë fundjavëve, dhe të dielave, dhe nuk paguhej puna jashtë orarit). Njeriu vjen një ditë për të punuar dhe një ditë thotë “Pse nuk jam unë ai? Përse punëdhënësi im është më i mirë, më i zgjuar se unë?”, dhe ky proces ka zgjatur tek unë më pak se 6 muaj. Kam thënë që do të provoj, se nuk kam asgjë për të humbur, dhe gjithmonë mund të kthehem. Gornji Vakuf – Uskoplje ndahet në vija etnike – në pjesën boshnjake dhe kroate, dhe unë gjendem pikërisht në atë kufi, dhe teknikja ime është kroate, katolike dhe jeton në anën tjetër të qytetit dhe ne gjithmonë bëjmë shaka që kjo është fuqia e grave. Para kësaj hezitova të thirrja dikë që nuk e njihja personalisht, të kërkoja këshilla për diçka, dhe më pas fillova t’u shkruaja të gjithëve në Facebook, edhe në Messenger. Stomatologjia është pak si puna sezonale – gusht, shtator, janar, shkurt; këta janë muajt e stërngarkuar kur diaspora vjen, dhe pastaj presim për një kohë kur do të kemi 4-5 pacientë në ditë, por ka punë.